മ​റ​യൂ​രി​ൽ പു​ലി ഭീ​ഷ​ണി; വീ​ഡി​യോ മ​റ​യൂ​രി​ലേത​ല്ലെ​ന്ന് വ​നംവ​കു​പ്പ്; ​ ഭീതിയിൽ പ്രദേശവാസികൾ

മ​റ​യൂ​ർ: മ​റ​യൂ​ർ ച​ന്ദ​ന റി​സ​ർ​വി​ന്‍റെ നാ​ച്ചി​വ​യ​ൽ കു​പ്പ​നോ​ട ഭാ​ഗ​ത്ത് പു​ലി​യെ ക​ണ്ടെ​ന്ന നി​ല​യി​ൽ സ​മൂ​ഹ​മാ​ധ്യ​മ​ങ്ങ​ളി​ൽ വൈ​റ​ലാ​കു​ന്ന വീ​ഡി​യോ മ​റ​യൂ​ർ പ്ര​ദേ​ശ​ത്തി​ന്‍റേ​ത​ല്ലെ​ന്ന് വ​നംവ​കു​പ്പ് അ​റി​യി​ച്ചു. വീ​ഡി​യോ​യു​ടെ യ​ഥാ​ർഥ ഉ​റ​വി​ടം ക​ണ്ടെ​ത്താ​ൻ അ​ന്വേ​ഷ​ണം ന​ട​ത്തി​വ​രി​ക​യാ​ണെ​ന്നും പ്ര​ദേ​ശ​ത്ത് പു​ലി​യി​ല്ലെ​ന്ന് പ​റ​യാ​ൻ ക​ഴി​യി​ല്ലെ​ന്നും വ​നംവ​കു​പ്പ് ഉ​ദ്യോ​ഗ​സ്ഥ​ർ പറഞ്ഞു.

ക​ഴി​ഞ്ഞ ദി​വ​സം വൈ​കു​ന്നേ​രം പ്ര​ദേ​ശ​വാ​സി​ക​ൾ പു​ലി​യെ ക​ണ്ട​താ​യി വി​വ​രം പ്ര​ച​രി​ച്ചി​രു​ന്നു. ച​ന്ദ​ന റി​സ​ർ​വി​നു​ള്ളി​ലും പു​ലി​യു​ടെ സാ​ന്നി​ധ്യം ശ്ര​ദ്ധ​യി​ൽ​പ്പെ​ട്ട​താ​യും പ​റ​യു​ന്നു. ഇ​തേ​ത്തു​ട​ർ​ന്ന് ഉ​ൾ​ക്കാ​ടു​ക​ളി​ൽ ഒ​റ്റ​യ്ക്ക് രാ​ത്രി ഡ്യൂ​ട്ടി ചെ​യ്യു​ന്ന വാ​ച്ച​ർ​മാ​ർ ഭീ​തി​യി​ലാ​ണ്.
ച​ന്ദ​ന​മ​ര​ങ്ങ​ൾ സം​ര​ക്ഷി​ക്കാ​നു​ള്ള ഉ​ത്ത​ര​വാ​ദി​ത്വ​മു​ള്ള ഇ​വ​ർ​ക്ക് വ​നംവ​കു​പ്പി​ന്‍റെ ഭാ​ഗ​ത്തു​നി​ന്ന് യാ​തൊ​രു സു​ര​ക്ഷാ സം​വി​ധാ​ന​വും ല​ഭി​ക്കു​ന്നി​ല്ലെ​ന്ന് വാ​ച്ച​ർ​മാ​ർ പ​റ​യു​ന്നു.

ടോ​ർ​ച്ചി​ന്‍റെ മ​ങ്ങി​യ വെ​ളി​ച്ച​ത്തി​ൽ മാ​ത്രം കാ​ട്ടി​നു​ള്ളി​ൽ പ​ട്രോ​ളിം​ഗ് ന​ട​ത്തു​ന്ന അ​വ​സ്ഥ​യാ​ണ് നി​ല​വി​ലു​ള്ള​ത്.പ​ല​പ്പോ​ഴാ​യി വ​ന​ത്തി​ന​ക​ത്ത് പു​ലി​യെ ക​ണ്ടി​ട്ടു​ണ്ടെ​ന്ന് വാ​ച്ച​ർ​മാ​രും പ്ര​ദേ​ശ​വാ​സി​ക​ളും പ​റ​യു​ന്നു​ണ്ട്. എ​ന്നാ​ൽ, ഇ​തു​വ​രെ പു​ലി​യെ പി​ടി​കൂ​ടാ​ൻ അ​ധി​കൃ​ത​ർ യാ​തൊ​രു ന​ട​പ​ടി​യും സ്വീ​ക​രി​ച്ചി​ട്ടി​ല്ല.

പു​ലി​യു​ടെ സാ​ന്നി​ധ്യം ഉ​റ​പ്പാ​യ സാ​ഹ​ച​ര്യ​ത്തി​ൽ കൂ​ട് സ്ഥാ​പി​ച്ച് പി​ടി​കൂ​ട​ണ​മെ​ന്നാ​ണ് പ്ര​ധാ​ന ആ​വ​ശ്യം. വാ​ച്ച​ർ​മാ​ർ​ക്ക് ആ​യു​ധ​ങ്ങ​ൾ, വ​യ​ർ​ലെ​സ് സെ​റ്റു​ക​ൾ, ഗ്രൂ​പ്പ് പ​ട്രോ​ളിം​ഗ് തു​ട​ങ്ങി​യ സു​ര​ക്ഷാ സൗ​ക​ര്യ​ങ്ങ​ൾ ഏ​ർ​പ്പെ​ടു​ത്ത​ണ​മെ​ന്നും ആ​വ​ശ്യ​ങ്ങ​ളു​ണ്ട്. വീ​ഡി​യോ​യി​ലെ പു​ലി മ​റ​യൂ​രി​ലേത​ല്ലെ​ങ്കി​ലും പ്ര​ദേ​ശ​ത്ത് വ​ന്യ​മൃ​ഗ​ങ്ങ​ളു​ടെ സാ​ന്നി​ധ്യം സാ​ധാ​ര​ണ​മാ​ണെ​ന്ന് വ​നം ഉ​ദ്യോ​ഗ​സ്ഥ​ർ സ​മ്മ​തി​ക്കു​ന്നു​ണ്ട്.